Ég skil ekki, af hverju Sigmundur Ernir Rúnarsson er svona æstur í vísir.is. Ég efast um, að mikið af myndatökubúnaði hafi skemmst. Efast um, að margir sjónvarpsmenn séu slasaðir eftir atganginn. Efast um, að Egill Helgason hafi æst menn til óhæfuverka. Held, að Sigmundur hafi miklað allt þetta fyrir sér í hita leiksins. Væntanlega sárreiður yfir að tapa kryddsíldinni. Hann er einn fárra, er finnst varið í síþreyttar kryddsíldir. Í hruninu er kryddsíld á Borg óviðeigandi tímaskekkja. Fráleitt er að draga fólk í fínasta pússi að jarma sömu innantómu slepjuna og fyrri ár. Þegar Róm brennur allt um kring.
