Guðbjörg Matthíasdóttir er ekkja Sigurðar Einarssonar kvótagreifa í Eyjum. Hún er í fréttum vegna aðildar að nýju félagi um Moggann. Það er ekki í fyrsta skipti, sem Guðbjörg kaupir dagblað. Fyrir nokkrum árum keypti hún DV til að setja það undir Óla Björn Kárason. Verðið var milljarður, enda hafði blaðið skilað hagnaði árum saman. Óli Björn keyrði það hins vegar í gjaldþrot á tæpu ári. Guðbjörg tapaði hlutafénu og Landsbankinn tapaði enn meira. Í haust gekk henni betur, þegar hún seldi hlutabréf sín í Glitni einum sólarhring fyrir gjaldþrot bankans. Það var aldrei rannsakað.
