Helztu lagatæknar sjá fram á blómlegan áratug. Allir í mál við alla, jafnvel á mjóum þvengjum. Sigurður G. Guðjónsson telur yfir 200 milljón króna tjón í að yfirtaka viðskiptavini World Class. Aðrir mundu telja það feng, þótt menn yfirtaki um leið tímabilið, sem þeir hafa greitt fyrirfram. Slíkt kallast viðskiptavild. Ekki ímynduð viðskiptavild, sem belgdi út fjárglæframenn. Ég meina peninga, sem koma í hús við næstu greiðslu, eftir þrjá mánuði. Björn Leifsson fékk Sigurð til að reyna fyrir dómi að hindra riftun gjafagernings. Út úr því kom sérstæð kenning Sigurðar um horfna viðskiptavild af áskrifendum.
