Smám saman skýrist vörnin í málum stóru bófanna, meginþemun eru tvö: Ég er fífl og Ég á bágt. Fjöldi manna segist hafa verið plataður. Landsbankinn plataði Björn Leifsson. Sigurjón Þ. Árnason í Landsbankanum plataði Björgólf Thor Björgólfsson. Kalli bróðir plataði Steingrím Wernersson. Innihaldið í þessari vörn er: Ég er fífl. Oft bregður fyrir hinni vörninni. Steingrímur Wernersson telur sig eiga bágt. Sigurður G. Guðjónsson lagatæknir sagði, að Sigurjón Þ. Árnason ætti bágt á Litla-Hrauninu. Sigurður sagði líka, að ofurbófarnir séu góðir, þeir borgi skatta. Þar skortir ekki hugmyndaflugið.
