Nokkrir pólitíkusanna, sem fóru af límingunum út af glerperlum og eldvatni Evrópu, hafa snúið við blaðinu. Dissuðu IPA-styrki Evrópusambandsins, en heimta núna sínar mútur og brennivín. Lengst ganga Gunnar Bragi Sveinsson og Birgir Ármannsson. Sá fyrri sleit aðildarferlinu og afnam samninganefndina í Bruxelles. Sá síðari er minnugur lagatækninnar úr Háskólanum. Þar var lögð sú áherzla á tæknikróka og orðhengla, sem Brennu-Njáll og félagar elskuðu. Halldór teiknari lýsir honum í Fréttablaðinu: „Hugdjörfu stíðsmenn Íslands, vopnbúist á ný. Hið illa heimsveldi neitar að borga okkur IPA múturnar“.
