Akureyringar eru fyrir löngu frægir fyrir skrílshátíðir aðkomufólks niðri í miðbæ. Þessar hátíðir eru frá landsþekktum orgs- og æluhátíðum drykkjubarna að reykspólshátíðum ökuníðinga. Jafnan haldnar í miðbænum til að auka veltu miðlægra verzlana og þjónustu. Fjöldi líkamsárása þykir hæfilegur, enda er þar eingöngu um aðkomufólk að ræða. Þykir auka aðdráttarafl frægs höfuðstaðar Norðurlands, þótt ekki sé hægt að halda úti fiskbúð í sjávarplássinu. Ætur matur fékkst til skamms tíma á Húsavík, en bæjarstjórnin þar hrakti Völla Snæ burt með tjaldið. Norðursvæðið hentar því bezt til syndaþvottar á lönguföstu.
