Hverjir eru vinir og hverjir eru óvinir í Miðausturlöndum? Hvernig geta Íran og Bandaríkin fallið í faðma út af andstöðu við ofsatrúarmenn í Ríki Íslams? Fram til þessa hefur Íran sætt efnahagslegum þvingunum Bandaríkjanna vegna atómvera klerkanna. En þú getur verið rólegur, þótt þú skiljir ekki, að vinir í gær séu óvinir í dag og verði vinir aftur á morgun. Enginn skilur deiglu stjórnmála, trúar og stríðs í þessum heimshluta. Guardian birtir í dag KORT yfir samskipti þjóða, ríkja, trúarbragða og annarra leikara í þessu heimssögulega leikriti. Mér sýnist kortið aðallega sýna óskiljanlegan rembihnút. Hvað sýnist þér?
