Verið hrædd við erlenda glæpaflokka, segir embætti ríkislögreglustjórans í kranaviðtali í Fréttablaðinu. Reynir að sanna tilverurétt sinn. Um daginn sögðu hagsmunaaðilar: Verið hrædd við erlenda kjúklinga. Hræðsluáróður er vopn spunakarla í lífróðri hagsmunaaðila. Sigríður Björk Guðjónsdóttir, aðstoðarmaður ríkislögreglustjóra, segir, að erlendir glæpahópar hafi náð fótfestu. Ekki nefnir hún neitt dæmi því til stuðnings. Enda eru glæpir á Íslandi eins íslenzkir og þeir hafa verið. Ofbeldið er eins íslenzkt og það hefur verið. En embættið ver tilveru sína og segir: Verið þið hrædd.
