Enn tala umboðsmenn Rússa-mafíunnar um olíuhreinsunarstöð á Vestfjörðum. Olían á að koma frá norðurströndum Rússlands og flytjast hingað með rússneskum ryðkláfum. Gazprom og Lukoil fara að vísu huldu höfði. Mafían felur sig bak við Hilmar Foss og Ólaf Egilsson, fyrrum sendiherra. Þeir tala eins og takmarkanir á mengun falli niður árið 2012. Rétt eins og enginn arftaki verði á Kyoto-bókuninni. Þeir tala eins og sveitarfélög fyrir vestan geti troðið olíunni upp á samfélagið. Geta stjórnvöld ekki sett hnefann í borðið og stöðvað Rússa-mafíuna í eitt skipti fyrir öll?
