Kreppan: Íslenzk framleiðslaÍslenzka kreppan er margfalt dýpri en samdráttur í öðrum ríkjum. Munurinn er heimaframleiddur. Stóru bankarnir vilja lækka gengið sem mest til að taka tugi milljarða í gróða á mánuði. Ríkisstjórnin vill lækka gengið sem mest til að gera þjóðina ofsalega hrædda. Gengishrun, fjöldauppsagnir og lakari lífskjör miða að sama markmiði. Gera fólk frávita af hræðslu um framtíð sína. Þá verður það meðfærilegt og hættir að rífa kjaft. Sannið þið til: Í fjölmiðlum munu rísa hræddir menn, er heimta fleiri álver sem allra fyrst. Árásin á efnahag og fjárhag þjóðarinnar svínbeygir hana til hlýðni.
