Skýr mynd er komin á samsæri helztu valdastofnana landsins gegn þjóðinni. Stóru bankarnir gera hverja aðförina á fætur annarri að krónunni til að græða tugi milljarða og verjast falli. Ríkisstjórn og Seðlabanki styðja það til að gera þjóðina dauðhrædda og undirgefna. Seðlabankinn hefur það hlutverk að gera ekkert, fara undan í flæmingi, svo að kreppan verði sem verst. Ríkisstjórnin stefnir að mikilli skelfingu fólks. Svo að meirihluti þjóðarinnar snúist til fylgis við fyrirhugaðar niðurgreiðslur á raforku til álvera. Þjóðin getur valið um að láta svínbeygja sig eða grípa til varna.
