Vegna áhuga míns á bloggi skoða ég mikið af heimasíðum fólks. Athygli mína vekur, að flestar þeirra eru vel hannaðar. Forritin við gerð vefsíðna eru orðin svo fullkomin, að allir eru orðnir hönnuðir. Tækni verður að vísu seint svo fullkomin, að ekki sé hægt að misnota hana. En það gera íslenzkir bloggarar yfirleitt ekki. Útfærsla hvers og eins er yfirleitt í samræmi við góða hönnunarsiði. Ég sé sjaldan negó, hvítt letur í svörtum grunni. Ég sé sjaldan brottfall á spássíum. Mestu máli skiptir þó, að sjálfvirknin heftir ekki sköpunargleiðina. Ég sé hundruð heimasíðna, sem hver hefur sinn svip.
