Aldrei hef ég hitt jafn reitt fólk og nú í dauðateygjum ríkisstjórnar Bjarna Ben. Fólk var ekki svona ofsalega reitt í dauðateygjum ríkisstjórnar Geirs Haarde. Venjulegt fólk á miðjum og háum aldri, sem í gamla daga kaus þetta venjulega sull. Nú eru bófaflokkarnir búnir að ganga gersamlega fram af fólki. Reyna að sefa fólk með því að stokka upp í ríkisstjórn. Og hvað má sjá, Bjarni Ben er enn á toppnum. Með hrokann feita á frontinum, byrðar lyga og leyndar af Tortóla-málum á bakinu. Fólk fattar loksins, að hér búa tvær þjóðir. Venjulegt fólk og fámennur hópur rummunga, sem skafa innan auðlindir okkar og fela þýfið.
