Er Póst- og fjarskiptastofnun birti úrskurð um brot Gagnaveitu Reykjavíkur, voru 102 atriði felld út. Samkvæmt ákvæðum laga um, að nánast öll mannleg samskipti séu leyndó. Þannig eru Upplýsingalög og lög um þessa stofnun. Ef stofnunin hefði þurft á því að halda, hefði hún líka getað vísað til laga um Persónuvernd. Leyndarhyggja gegnsýrir alla lagasetningu og enn frekar túlkun opinberra aðila á borð við Persónuvernd og Úrskurðarnefnd um upplýsingamál. Leyndarhyggjan var meginforsenda hrunsins, því að skúrkar komust of langt í skjóli hennar. Stjórnlagaþingið þarf að brjóta leyndina, innleiða gegnsæi.
