Burano
Bátaleið 12 heldur áfram til Burano og Torcello, svo og bátaleið 14, sem ekki kemur við í Murano. Frá Feneyjum er um 50 mínútna ferð með leið 12 og 90 mínútna ferð með leið 14, sem kemur við í Lido.
Skrautlegasta eyja Feneyjalóns, með skært máluðum smáhúsum, áður fyrr miðstöð feneyskrar blúndugerðar. Enn eru leifar þess handverks í eyjunni og mikið af búðum, sem selja heklaða dúka. Fiskveiðar eru líka stundaðar frá eynni, svo sem sést af góðum fiskréttahúsum staðarins.
Burano
Aðalgatan í eynni, Via Baldassare Galuppi, liggur frá götunni upp af bátastöðinni að kirkjutorgi eyjarinnar. Við götuna er veitingahúsið Galuppi.
