Leidseplein
Og þá erum við komin á Leidseplein, miðstöð hins ljúfa lífs. Hér eru í röðum veitingahúsin góðu, krárnar fínu og allar útgáfur skemmtanalífsins. Margir eru þeir, sem búa á American hóteli við torgið og sjá enga ástæðu til að fara út fyrir torgið.
Við Leidseplein eru veitingahúsin Oesterbar, Djawa, Borderij og Swarte Schaep. Hér eru krárnar Wiinlokaal, Continental Bodega, Reynders og Eylders. Hér er næturklúbburinn Blue Note og rétt hjá ungmennastaðirnir Melkweg og Paradiso.
Og á miðju torgi trónir Stadsschouwburg í öllu sínu veldi, borgarleikhúsið, ríkisóperan og ríkisballettinn. Við setjumst handan þess á stól fyrir framan Café Americain og hvílum lúin bein, virðum fyrir okkur mannlífið og sötrum sérgrein hússins, Irish Koffie.
Næstu skref
