Heilsárs gjafmildiHeilsárs starfslokasamningur við forstjóra Fjármálaeftirlitsins er dónalegt hnefahögg í andlit þjóðarinnar. Einn af helztu brennuvörgum landsins fær tuttugu milljónir á silfurfati. Gömlu og úreltu hugmyndirnar um ofurlaun gæludýra frjálshyggjunnar lifa enn í starfslokum Jónasar Jónssonar. Þessa gjafmildi á annarra fé þarf ný stjórn eftirlitsins að ógilda strax. Jónas á að fara nú þegar úr starfinu og fá nokkurra mánaða laun í sárabætur. Síðan á Vilhjálmur Bjarnason að taka við taumunum. Ekki í marz, heldur núna strax.
