Ég efast um Gunnar Andersen sem forstjóra fjármálaeftirlitsins. Hann hefur að vísu skárri skoðanir en fyrirrennarinn. En ég efast um, að hann hafi málafylgju til að hreinsa út eitrið í stofnuninni. Eitrið, sem fær hana til að elta blaðamenn fremur en bankamenn. Eitrið, sem fær hana til að halda dauðahaldi í bankaleynd, þegar allir aðrir hafa slegið hana af. Við skulum fylgjast með hreinsunum Gunnars í fjármálaeftirlitinu áður en við förum að lofa hann. Ekki hafa enn verið dregnar til baka kærur þess á blaðamenn, né höfð afskipti af furðulegum almannatengslum þess. Mey skal að morgni lofa.
