Lengi hef ég hugleitt hvort ég ætti að prófa að borða á Orange, þar sem áður voru Tveir fiskar. Inn um glugga sést rauðgulur ljósaveggur, sem hefur fælt mig frá. Nú hefur eigandi matstaðarins upplýst, að staðurinn sé á Condé Nast Hot Tables lista ársins 2009. Blaðið segir, að Orange sé einn mest spennandi matstaður Evrópu, einkennist af hugmyndaauðgi. Eigandinn segist meðal annars hafa boðið óvænt upp á bingó í miðjum klíðum. Og í annað skipti hafa klætt þjónana í grímubúning. Eftir að hafa lesið lýsingu hans er borin von um, að ég láti verða af heimsókn á Orange. Ég læt ekki fíflast með mig á matstað.
