Höfuðsnillingar þjóðarinnar kunna ekki að skammast sín. Höfðingjarnir, sem keyptu flugvélar og snekkjur meðan þeir settu þjóðfélagið á hliðina. Þeir eru enn brattir. Það kallast víst afneitun. Eru raunar studdir fjölmiðlum, sem enn taka við þá kranaviðtöl. Nú eru þeir farnir að eltast við fjölmiðla og blaðamenn. Vilja hver um sig fá þessa einu milljón, sem dómara-sauðirnir úthluta sjálfkrafa fyrir meintan mannorðsmissi. Tvöföld sú upphæð, sem þarf að greiða fyrir nauðgun. Veit ekki, hvaða hnekki persónur þjóðargersemanna hafa beðið vegna Stöðvar tvö. Hélt að þeir væru einfærir um slíkt sjálfir.
