Sá gegnum þá á augabragði. Sá strax, að Tony Blair væri sjónhverfingamaður og skrifaði um það. Sá strax, að Barack Obama væri bara kjaftaskur, sem ekki mundi framkvæma nein loforð. Sagði ykkur strax frá því. Sá strax að Silvio Berlusconi væri siðleysingi og skrifaði um það. Sá strax, að Davíð Oddsson væri dávaldur, sem mundi dáleiða þjóðina upp úr skónum. Skrifaði um það, þegar hann varð borgarstjóri. Þreytist aldrei að furða mig á, hvernig fólk lætur sjónhverfingamenn, kjaftaska, siðleysingja og dávalda gabba sig sundur og saman. Þess vegna ráða þeir ríkjum, sem sízt ættu að gera það.
