Ásbjörn Óttarsson, kvótagreifi og þingmaður, skautaði í Kastljósi. Tók bara alveg óvart tugi milljóna í arð út úr gjaldþrota útgerð. Raunar var það bara látinn endurskoðandi, sem ákvað! En kvótagreifi til tuttugu ára vissi bara alls ekki, að hann braut lög. Nýr Árni Johnsen í Flokknum. Fetar í fótspor Bjarna Benediktssonar formanns, sem tók þátt í að ræna bótasjóði Sjóvá á kostnað almennings. Og Þorgerðar Katrínar Gunnarsdóttur, sem fékk afskrifað hundrað milljón króna kúlulán. Flokkurinn setti auðvitað Ásbjörn í nefnd um sannleiksskýrsluna langþráðu. Auðvitað styðja kjósendur flokk glæframanna.
