Einu sinni var Hannes Hólmsteinn hluti af heilagri þrenningu með Friedman og Hayek. Þeir predikuðu takmarkalausa frjálshyggju. Sem slíkur studdi Hannes friðsælt andófsfólk, Falun Gong. Davíð Oddsson ofsótti fólkið hins vegar og skammaði Hannes. Deildar meiningar eru um viðbrögð hins síðarnefnda. Ljóst er þó, að á þeim tímum hvarf Hannes úr heilagri þrenningu, gerðist spámaður Davíðs. Lítið hefur farið fyrir predikunum upp úr Friedman og Hayek, síðan Davíð gerðist einræðishneigður miðstýrandi ríkis og seðlabanka. Mest af orku Hannesar hefur farið í skrif um Davíð almáttugan, drottin himins og jarðar.
