Bandaríkin hafa með aðstoð Atlantshafsbandalagsins framleitt skrímsli, sem heitir Hamid Karzai. Hann er óviðráðanlegur leppur þeirra í Afganistan, einn spilltasti valdamaður heims. Með hann á oddinum er útilokað fyrir Vesturlönd að laga neitt í Afganistan. Það er orðið að stærsta fíkniefnaframleiðanda heims. Engin merki eru um vestræn mannréttindi í landinu. Það er misheppnað ríki, sem seint verður lagað að vestrænum háttum. Vesturlönd hafa fjölmennan her í landinu. Í stríði við þjóðina til að verja stórglæpamann, sem aldrei verður til annars en vandræða. Vesturlöndum ber að forða sér hið bráðasta.
