Eftir útkomu sannleiksskýrslunnar skil ég loksins, hvers vegna brezka ríkisstjórnin flokkaði Landsbankann og Ísland sem hryðjuverkamenn. Lái þeim það ekki. Þeir áttu við að etja kexruglaðan seðlabankastjóra og mestu eymdar-ríkisstjórn allra tíma. Bréfum og tilboðum og neyðarópum var ekki svarað. Ísland dró lappirnar fram í rauðan dauðann. Brezka stjórnin átti ekki annarra kosta völ en að frysta eigur íslenzkra banka. Það var ekki vonzkunni í Gordon Brown að kenna eins og við héldum. Bankafrystingin var kórrétt vörn gegn ríki, sem hagaði sér eins og drukkinn fíll í glervörubúð.
