Evrópusambandið er ekki vandaðra á heimildir en þú og ég. Virðist hafa trúað umsókn Íslands um aðild. Össur Skarphéðinsson sagði sambandinu, að einhugur væri í ríkisstjórninni um málið. Smám saman er sambandið seint og um síðir að fatta, að ekkert er að marka umsóknina. Íslendingar eru ekki að ganga í sambandið og ætla ekki að gera það. EU Times segir, að Össur hafi logið að sambandinu. Jafnvel viðskiptalífið sé andvígt aðild. Og einn ráðherra hafi sagt rétt að stöðva aðildarferlið. Sama dag og Össur laug úti í Bruxelles. Erlendis eru menn ekki vanir bjölluati. Staðfestir vantrú allra á Íslandi.
