Hef skammað Jón Gnarr svo oft, að ég verð að taka fram, að hann gerir líka góða hluti. Sló snarvitlausa samgöngumiðstöð í Vatnsmýri út af borðinu. Hver bæjarstjóra-trúðurinn á fætur öðrum hélt miðstöðinni á lífi ár eftir ár. Nú vantar okkur einhvern Jón Gnarr í ríkisstjórnina til að slá snarvitlaust hátæknisjúkrahús út af borðinu. Hver heilbrigðisráðherrann á fætur öðrum hefur haldið þessu rugli Davíðs á lífi árum saman. Don Alfredo hefur árum saman haft atvinnu af því. Guðbjartur Hannesson á erfitt vegna niðurskurðar. Hann getur slegið út Gnarr með því að slá hátæknisjúkrahúsið út af borðinu.
