Um daginn las ég skondna kenningu um siðleysi fjárglæframanna og bankabófa. Það var sagt stafa af þjálfurum boltafélaga. Þeir leggi áherzlu á, að það sé hlutverk dómarans eins í kappleikjum sé að halda uppi siðsemi. Leikmenn megi hins vegar haga sér siðlaust. Svo framarlega sem það komist ekki upp eða að eftirköstin séu þolanleg. Því fautist boltamenn, sparki í mótherja í laumi eða skalli þá, snúi upp á geirvörtur eða bíti í hálsinn á þeim. Allt sé það í bezta lagi að mati þjálfara, svo framarlega sem það þjóni gangi liðsins. Siðleysi fjármála sé yfirfært úr keppnisboltanum. Athyglisverð kenning.
