Persónuvernd bannar sameiginlega skrá yfir útgáfu lyfseðla. Vill ekki, að komið verði upp um dóplækna og þá, sem moka til sín læknadópi. Stofnunin er andvíg öllu góðu í samfélaginu. Andvíg eftirlitsmyndavélum, sem fanga bófa. Reynir að hefta rannsókn á gjaldeyrisbraski ofurbófa. Telur kennitölu mína vera leyndarmál. Hindrar upplýsingar um fjármál landsins mestu bófa. Bannar lista yfir þá, sem brjóta lög á ýmsum sviðum, svo sem óskráðan ferðarekstur. Bannar birtingu mynda af þeim, sem dæla ódýrri vinnuvélaolíu á bíla. Og svo framvegis endalaust. Stofnunin er holdgervingur hins illa í samfélaginu.
