Gylfi Arnbjörnsson, útibússtjóri atvinnurekenda í samtökum verkalýðsrekenda, kann vel við skúmaskotin. Ósáttur við birtingu tölvupósta, sem koma upp um stuðning hans við verðbólguþenslu húsnæðisskulda. Telur birtinguna brjóta á einkalífi sínu. Sendi líka Alþingi stuðningsbréf við óbreytt ástand kvóta. Í því felst stuðningur hans við langfremstu arðræningja alþýðunnar. Gylfi er leif frá útrás og hruni, hugsar eins og frjálshyggjumenn. Telur, að með sem mestum gróða bófanna muni fleiri molar hrjóta af borðum þeirra til múgsins. Nú bætist Gylfi í hóp þeirra, sem hyggjast ná í milljónir af blaðamönnum.
