Gallinn við ráðgjöf fólks á TripAdvisor er, að hún er ekki fagleg. Matið á veitingahúsum líður meira fyrir það en matið á gististöðum. Til dæmis er gefið áberandi hátt fyrir, að staðarhaldari þvaðri mikið við gesti. Stafar af, að ferðafólki leiðist yfirleitt. Það er þakklátt fyrir, að einhver nenni að tala við sig. Því fá Harry’s á Rauðarárstíg, Indian Mango á Frakkastíg og Sægreifinn í verbúðunum svona mikið lof. Matargestir, sem tala saman og láta sér ekki leiðast, þurfa ekki á þessu framtaki hússins að halda. Noti menn ráðgjöf TripAdvisor, þurfa þeir að skilja misjafnan sjónarhól höfundanna.
