Hef undanfarið notið þess að borða í öllum fimm matarhúsunum, er ég tel bezt í landinu. Þótt öll séu flott, er hægt að finna þætti, sem betur mættu fara. Sjávargrillið er flottara en Höfnin, en bæði eiga það sameiginlegt Þremur Frökkum, að þar hef ég aldrei fengið ofeldaðan fisk. Þessir þrír staðir eru toppurinn. Stælar í eldhúsi leiða stundum til ofeldunar í Fiskfélaginu. Og stælar í þjónustu benda til, að á Fiskmarkaðinum telji sumir þjónar sig vera stórt númer. Öll fiskhúsin fimm njóta verðskuldaðrar hylli. Alla þessa staði hlakka ég til að heimsækja. Og verðlag allra fimm er þolanlegt í hádeginu.
