Egill Einarsson Gilzenegger er afar þreytandi, enda hræsnari hinn mesti. Nú segir hann blákalt sig telja nauðgun vera alvarlegan glæp. Samt getur hann ekki hunzkast til að manna sig upp í afsaka fortíð sína í blogginu. Þar varð hann alræmdur fyrir að hvetja til nauðgana og hópnauðgana nafnkunnra kvenna. Í blogginu notaði hann ógeðslegt orðbragð kynsveltra smástráka. Ekki hefur hann beðið fyrirgefningar á þessari fortíð. Ætti hann þó að fara skríðandi á fjórum fótum suður til Rómar sér til forláts. Svo birtir hann alls ómerka yfirlýsingu, sem ekki er í neinu samhengi við hans langa og ljóta ritferil.
