Bjarni Benediktsson kostar skattgreiðendur fjóra milljarða króna. Formaður Sjálfstæðisflokksins ber ábyrgð á tjóni ríkissjóðs af braski Vafnings á spilavítiseyjunni Macau með bótasjóð Sjóvá. Og á braski Milestone með eignir Sjóvá, sem dúndraði á hausinn undir stjórn Engeyjarættarinnar. Bjarni gekk þá berserksgang við að grilla og græða að hætti ættarlauka Flokksins. Þetta var ekki komið í ljós í síðustu kosningum, en er nú greinilega skjalfest. Flokkurinn stefnir í kosningar að tæpu ári með gróðafíkinn óráðsíumann að formanni. Þar hæfir skel kjafti, siðblindum kjósendum Sjálfstæðisflokksins.
