Rub 23 frá Akureyri hefur fest rætur í Kvosinni. Í kjallara Geysis-hússins á horni Aðalstrætis og Vesturgötu, þar sem áður var Sjávarkjallarinn. Fékk þar afburða sushi og þennan líka fína fisk. Bleikju úr Grindavík með mangó og chili kryddlegi og steinbít með reyktum barbeque kryddlegi. Með fylgdi flott hrásalat og franskir kartöflukubbar. Fiskurinn var nákvæmt hæfilega eldaður. Mæli með bragðmildum kryddlegi með fiski. Sterkur lögur yfirgnæfir fljótlega milda fiskbragð, sem mér finnst eiga að vera aðalsmerki á ferskum fiski. Svo Frábært er, að í hádeginu kostar fiskrétturinn bara 1690 krónur, gjafverð.
