Fleiri flokksformenn en Bjarni Benediktsson eru í vondum málum. Sigmundur Davíð Gunnlaugsson skall á múrvegg í Eyjafirði á flótta sínum frá Reykjavík. Höskuldur Þórhallsson er fyrir á fleti á Akureyri og nýtur yfirburðafylgis Framsóknarmanna í héraði. Ennfremur hefur faðir Sigmundar sérstakt lag á að rifja upp Kögunarmálið og minna okkur á fjárglæfra þeirrar einkavæðingar. Loks lenti helzti ráðgjafi Sigmundar í Noregsferðinni frægu í gæzluvarðhaldi vegna vogunarsjóðsins Boreas Capital. Þeir bjargvættir þóttust hafa útvegað 2000 milljarða króna ímyndað lán í Noregi. Minnir á stóra Rússalánið Davíðs.
