Rekstur gæludýra Sjálfstæðisflokksins á elliheimilinu Eir er gott dæmi um gróðafíkn og bilaða sýn á mismun rétts og rangs. Svipað og gerðist í dæmi menntaskólans Hraðbrautar. Einstaklingar hafa misst fótanna í einstefnu á gróða. Fjöldi manna reynir að verða eins konar kvótagreifar. Pólitíkusarnir reyna að stunda vafninga eða raðgjaldþrot eða skattsvik, stela efni, reka glæfrasjóði, krækja í kúlulán, hafa milligöngu um bankamútur. Og nú vill enn einn verða flokksgreifi, sem áður stundaði ólöglegu samráðin um krítarkort. Allir bófarnir safnast fyrir í einum stjórnmálaflokki. Sem segir sína sögu.
