Herforingjar eru heimsins mestu vandræðamenn, fjöldamorðingjar og óvinir lýðræðis. Skýrt dæmi um það er Egyptaland. Illvirki sín vinna þeir flestir í skjóli Bandaríkjanna, sem elska vopnaða bófa umfram allt annað í umhverfi sínu. Skýrt dæmi um það er egypzki herinn. Herforingjar hans fá þjálfun í Bandaríkjunum og tæki til morða á borgurum landsins. Bandaríkin halda raunar uppi egypzka hernum. Mohamed Morsi var lýðræðiskjörinn forseti, þótt hann hafi síðan staðið sig fremur illa. Herinn steypti honum af stóli og uppsker rústað samfélag 84 milljóna, sem logar í óeirðum og hatri á Vesturlöndum.
