Elliði Vignisson, bæjarstjóri sveitavargs í Eyjum, ver Vigdísi Hauksdóttur. Segir frá “óskilgreindri mennta- og menningarelítu, sem á stundum hefur fengið yfir sig gusurnar af tannsteinum þingkonunnar”. Þetta er fólkið, sem stundum er kallað “latte-lepjandi lopatreflar í hverfi 101”. Tilgangurinn er að lækka rostann í menntuðum og efla jafnrétti heimskunnar í samanburði við greind og þekkingu. Íslenzk umræða einkennist of oft af, að “mín heimska er eins rétthá og þín vizka”. Sveitavargurinn líkist tröllunum á vefnum, sem troða sjálfhverfri fáfræði inn í fróðlegt spjall annarra og gera þá klumsa. Palínismi?
