Lamaður stríðsvilji brezka þingsins markar tímamót. Vestrænar leyniþjónustur geta ekki lengur stjórnað þjóðarvilja. Fólk er farið að sjá gegnum lygavefi, sem spunnir eru til að kúga þjóðir undir stríðsvilja, hergagnaframleiðendur og lukkuriddara. Uppljóstranir flautublásara valda efasemdum borgara um, að stjórnvöld fari með rétt mál. Nauðsynleg efahyggja hefur rutt sér til rúms. Ekki er lengur hægt að framleiða óvini með því að mála andskotann á vegginn. Chelsea Manning og Edward Snowden valda sinnaskiptunum með hjálp samtaka á borð við Wikileaks. Tap David Cameron í brezka þinginu mun bergmála áfram.
