Ég er tilbúinn í þjóðarsátt. Hætti ÓRG að rugla um byltingu norðursiglinga, flytji Dorrit aftur á Bessastaði, hverfi SDG af eyðibýlinu, auðlindarenta verði hækkuð, auðlegðarskattur endurreistur, greidd verði atkvæði um Evrópu, loddarar hætti að þrugla og þjóðrembast út í eitt, forsætis samræmi orð og gerðir. Annað er það ekki, ég er sáttfús. Þjóðarsátt að hætti Kim Jong Un í Norður-Kóreu væri hins vegar ósiðleg. Jafnvel þótt biskup gangi í lið með þeim, sem flagga hugsjónum Mussolini um einhuga þjóð að baki Il Cavaliere. Hef fengið upp í kok af loddurum, er vefja sig fánanum og kyrja þjóðsönginn.
