Óskaplega eru allir vondir við litlu, sætu og góðu Íslendingana. Norðmenn og Færeyingar sparka í okkur vegna makríls, Bandaríkjamenn vegna hvalveiða. Rússar valda þvílíkum vandræðum, að utanríkis vor þurfti til Úkraínu til að hvetja fólk til dáða. Ill reynast öll mikilvægu ríkin í frægu Norðvesturráði forseta vors. Harmþrungin ofurþjóð einangrast í bláeygri eigingirni. Viljum frið til að kúga Grænlendinga. Höfnum Evrópu, sem veit of mikið um Davíð. En trúum á bófa í Kína og olíufursta Persaflóa, er heimurinn fyrirlítur. Viljum bara fá allt fyrir ekkert. Allir aðrir neita að skilja svo einfalt atriði.
