Kastljósið var í gær á viðbjóði Mjólkursamsölunnar og Kaupfélags Skagfirðinga. Vinnslustöðvabófar haga sér eins og kvótabófar, sem haga sér eins og pólitísku bófarnir. Þetta er allt samtvinnuð mafía, sem á Ísland með húð og hári í umboði kjósenda. Engin furða, þótt sannir Íslendingar vilji flýja undan þessu illkynja æxli til Noregs. Þarna í miðju Mjólkursamsölunnar er fyrrverandi fréttamaður, það er þyngra en tárum taki. Kerfið illa eitrar alla, sem ganga þar inn um dyr. Sárast er, að það eru arfavitlausir kjósendur, sem bera þyngsta ábyrgð. Veittu fyrir ári næg atkvæði pólitískum bófum til að vernda verstu viðskiptabófa sína.
