Væri nokkur töggur í þessum þrælagreyjum á útnáranum, væru þau búin að hópast niður á Lækjartorg og Austurvöll. Væru búin kasta út bófunum og leigja undir þá flugvél til Langtburtistan. En Íslendingar eru aumingjar inn í merg og bein og láta allan stuld yfir sig ganga. Tugir milljarða króna eru á hverju ári skafnir af þjóðartekjunum og faldir í Tortóla. Ríkisstjórnin ræðst á eftirlitsstofnanir og sveltir þær til dauða. Hún ræðst að Landspítalanum og hrekur bæði lækna og hjúkrunarkonur til útlanda. Við erum því miður undir stjórn siðblindra bófa. Og þið getið engum öðrum um kennt en ykkur ónýtu sjálfum. Svei ykkur Íslendingum.
