Frá sæluhúsinu í Vík í Héðinsfirði um Hvanndali og Lönguleið til Sólheima í Ólafsfirði.
Frá Hvanndölum er líka hægt að fara Stuttleið eftir brúnum Hvanndalafjalls og getur sú leið verið hættuleg göngufólki.
Bærinn í Hvanndölum var ákaflega einangraður. Hann fór í eyði 1895 og hreppurinn keypti landið til að hindra frekari ábúð.
Förum frá sæluhúsinu í Vík austnorðaustur á Víkurbyrðu bratta leið upp í 700 metra hæð. Þar er mikið útsýni. Síðan suðsuðaustur um Vestaravik til botns Hvanndala og þaðan norðaustur að sæluhúsinu við sjó í Hvanndölum. Frá Hvanndölum förum við til baka upp í dalbotn að Vestaraviki. Þar förum við suðsuðaustur um Austaravik upp á Hvanndalabjarg í 700 metra hæð. Áfram förum við suðaustur í botn Fossdals og austur dalinn að sjó. Þaðan förum við í hlíðum Arnfinnsfjalls eftir kindagötum meðfram sjó að Sólheimum.
17,0 km
Eyjafjörður
Erfitt fyrir hesta
Mjög bratt
Skálar:
Héðinsfjörður: N66 08.275 W18 45.821.
Hvanndalir: N66 09.284 W18 39.864.
Nálægar leiðir: Rauðskarð, Vatnsendaskarð, Fossabrekkur.
Skrásetjari: Jónas Kristjánsson
Heimild: Útivistarkort
