Recep Tayyip Erdoğan, forseti Tyrklands, er eitt ógeðfelldasta úrþvætti heims. Sprengir upp mótmælafundi Kúrda og segir svo, að Kúrdar hafi sprengt. Af hverju ættu Kúrdar að sprengja sitt fólk? Úrþvættið segir Kúrda gera þetta í samstarfi við íslamista. Staðreyndin er samt, að Kúrdar eru helztu andstæðingar Íslamista í Sýrlandi og Írak. En Erdoğan er sjálfur íslamisti og helzti þröskuldur í vegi baráttunnar gegn íslamistum í Sýrlandi. Svo fær úrþvættið beinlínis stuðning Bandaríkjanna og Evrópu, sem er þyngra en tárum taki. Allt er svínaríið þáttur í kosningaundirbúningi, þar sem Erdoğan hyggst svindla á vængjum þjóðrembunnar.
