Jai Mandir höllin í Amber Fort
Amber Fort
Í nágrenni Jaipur er Amber Fort uppi á fjallstindi. Þangað kemstu á fílsbaki eftir krókóttum römpum. Hallirnar eru á fjórum þyrpingum úr sandsteini og marmara, byggðar á ýmsum tímum, allt frá 1036. Aðalinngangur er um Suraj Pole, sólarhliðið.
Virkishöllin er á heimsminjaskrá Unesco.
Ganesh Pol
Diwan-i-Aam
Ganesh Pol er inngangurinn að einkahöll konungs, þriggja hæða höll, þar sem hirðin horfði á hersýningar á torginu fyrir utan. Efsta hæð inngangsins var fyrir hirðkonurnar.
Diwan-i-Aam
Fyrir innan Ganesh Pol er áheyrnarsalur konungs, þangað sem almenningur gat komið til að flytja kvartanir og önnur erindi. Þetta er upphækkaður súlnasalur með 27 súlnaröðum.
Jai Mandir
Jai Mandir speglaverk
Í næsta hólfi hallanna í virkinu er höllin Jai Mandir eða Sheesh Mahal með miklu og margvíslega lituðu speglaverki.
Andspænis Jai Mandir er Sukh Mahal loftkælingarhöllin, sem notar vatn og vind til að kæla mannskapinn.
Kesar Kyari
Við förum aftur á fílsbaki niður rampana að stöðuvatninu Maota.
Blómagarður hallarinnar er Kesar Kyari í stöðuvatninu Maota fyrir neðan höllina.
