Skemmdarvargar hafa gert Kristjáni Þór Júlíussyni þann óleik að senda tvífara hans á athafnir af ýmsu tagi. Senda síðan fjölmiðlum ljósmyndir af tvífaranum í viðkvæmum aðstæðum. Ýmislegt bendir til, að þeir hafi árum saman stundað slíka glæpi. Kristján Þór er þekktur fyrir hástemmdan vilja til að sjúkir verði sem fyrst og bezt læknaðir. Bófarnir hafa inn á milli sent tvífarann inn á alþingi að greiða atkvæði þveröfugt á vilja ráðherrans. Nú síðast var tvífarinn sendur inn á fund auðkýfinga, sem vilja reisa spítala fyrir ríka. Ráðherrann segist aldrei hafa hitt þá kóna, en tvífarinn stendur keikur á sínu á ljósmyndinni.
