Óviðkunnanleg og ósæmileg er kvörtun Helga Péturssonar framsóknarmanns yfir því, að Náttúruverndarsamtök Íslands skuli geta skrapað saman frá sjálfboðaliðum í auglýsingaherferð gegn Kárahnjúkavirkjun fjárhæðum, sem nema broti af áróðurs- og ímyndarfé Landsvirkjunar á kostnað almennings. Þetta minnir á, þegar talsmenn ísraelska kjarnorkuveldisins hneyksluðust á, að rifflar höfðu fundist í húsi Palestínumanns. Þið munið sjálfsagt, hvað biblían segir um svona framgöngu.
