Mahathir bin Mohamad, forsætisráðherra Malasíu, sagði á ráðstefnu íslamskra ríkja í gær, að gyðingar stjórni heiminum. Slíkt er fjarri lagi. Hins vegar stýrir Ísrael stefnu Bandaríkjanna í málum Miðausturlanda að mestu, allt frá Egyptalandi austur til Írans, og stefnir þannig heimsfriðnum í voða. Þetta er ekki í krafti peninga eða fjármálastofnana, þar sem áhrif stuðningsmanna Ísraels eru lítil. Þeir eru hins vegar feiknarlega vel skipulagðir í Bandaríkjunum og hafa þar að auki mikil áhrif í fjölmiðlum, allt frá kvikmyndum yfir í dagblöð. Af slíkum ástæðum voga bandarísk þingmannsefni sér ekki að andmæla yfirgangi Ísraels. Reynslan sýnir, að slíkt andóf er ávísun á fall í kosningum. Þannig er heimsveldi Bandaríkjanna fangi utanríkisstefnu hins herskáa Ísraels.
